Vaidik Anushandan Guthi (VAG) is a public trust registered with the Land Revenue Office, Dilli Bazar, Kathmandu under the article of 318 (1) of the Civil Code, 2074 BS. It has its own Statute of Incorporation.

वैदिक सनातन धर्म र संस्कृत शिक्षाको अध्ययन, अनुसन्धान, संरक्षण, प्रवर्धन र प्रचारप्रसार गरी वैदिक वाङ्मय एवं संस्कृतभित्र निहित ज्ञानविज्ञानको महत्त्व दर्शाउनु वाञ्छनीय छ । नेपालभित्र मात्र नभई सम्पूर्ण विश्वमा संस्कृतको महत्त्व बढिरहेको परिप्रेक्ष्यमा अध्ययन, अनुसन्धान, विश्लेषण तथा खुला, पारदर्शी, न्यायपूर्ण, आत्मनिर्भर र समतामूलक समाज निर्माण गर्ने कार्यमा वैदिक वाङ्मयको सार्वकालिक, सार्वभौम तथा सार्वजनीन उपयोगिता सिद्ध हुन्छ । यसका लागि आवश्यक अध्ययन-अनुसन्धान गर्दै वर्तमान र भावी पुस्ताका नेपाली एवं विश्वसमुदायलाई समेत गुठीको उद्देश्य पूर्तिका लागि प्रोत्साहित र  अभिप्रेरित  गर्न नागरिकस्तरमा एक अध्ययन, अनुसन्धान र जागरणमूलक गुठी स्थापना गर्न वाञ्छनीय भएकाले डा. स्वामी केशवानन्द गिरिज्यूको सत्सङ्कल्पमा वैदिक अनुसन्धान गुठी (वाग्) नामक एक सार्वजनिक गुठी स्थापना गरिएको हो ।

मुलकी देवानी संहिता २०७४ बमोजिम भूमिसुधार तथा मालपोत कार्यालय डिल्लीबजार, काठमाडौँमा वैदिक अनुसन्धान गुठी (वाग्)लाई विधि पूर्वक दर्ता गरिएको छ ।